Psalms 69

Ukukhala kohluphekayo

Kumqondisi wokuhlabelela. NgeShoshanimi. EsikaDavida

1Ngisindisa, Nkulunkulu, ngoba amanzi asengene ^a kuwo umphefumulo ^b. 2Ngiyatshona odakeni olujulileyo, lapho okungelakuma khona ^{c , d}; ngingene emanzini atshonayo, lapho impophoma ^e iyangicwilisa ^f. 3Ngidiniwe yikukhala kwami, umphimbo wami womile qha ^g; amehlo ami ^h ayafiphala ekulindeleni uNkulunkulu wami ⁱ. 4Abangizondayo ngeze ^j banengi okwedlula inwele zekhanda lami ^k; abangangibhubhisa, izitha zami ngaphandle kwecala, balamandla. Lokho engingakwebanga ngasengikubuyisela ^l.

5Nkulunkulu, wena uyabazi ubuthutha bami, lezono zami kazifihlakalanga kuwe. 6Kabangayangeki ngenxa yami labo abakulindeleyo, Nkosi Jehova wamabandla; bangadunyazwa ngenxa yami labo abakudingayo, Nkulunkulu kaIsrayeli. 7Ngoba ngenxa yakho ngithwele ihlazo; inhloni zisibekele ubuso bami ^m. 8Sengaba ngowemzini ⁿ kubafowethu ^o, lowezizweni kubantwana bakamama. 9Ngoba ukutshisekela indlu yakho kungidlile ^p, lenhlamba yabakuhlambazayo iwele phezu kwami ^q. 10Ngasengilila ekuzileni ukudla komphefumulo wami, njalo kwaba yikudunyazwa kimi ^r. 11Ngasengisenza isaka isembatho sami ^{s , t}, ngaba yisiga kibo ^u. 12Abahlezi esangweni bakhuluma ngami, njalo ngaba yingoma yabanatha okunathwayo okulamandla ^v.

13Kodwa mina umkhuleko wami ukuwe, Nkosi ^w, ngesikhathi somusa, Nkulunkulu, ngobunengi besihawu sakho, ngiphendule, ngeqiniso losindiso lwakho ^x. 14Ungophule odakeni ^y, ngingatshoni ^z; ngikhululwe kwabangizondayo ^aa lenzikini yamanzi ^ab. 15Impophoma yamanzi kayingangicwilisi ^ac, lenziki ingangiginyi ^ad, lomgodi ^ae ungavali umlomo wawo phezu kwami ^af. 16Ngiphendula, Nkosi, ngoba uthandolomusa wakho lulungile ^ag; ngobunengi besihawu sakho ^ah uphendukele kimi ^ai. 17Njalo ungayifihleli ubuso bakho inceku yakho ^aj; ngoba ngiyahlupheka ^ak, phangisa ungiphendule ^al. 18Sondela emphefumulweni wami, uwuhlenge, ungikhulule ngenxa yezitha zami.

19Wena uyakwazi ukuthukwa kwami ^am lehlazo lami lokudunyazwa kwami; izitha zami zonke ziphambi kwakho ^an. 20Ukuthukwa kuyidabule inhliziyo yami, njalo ngibuthakathaka ^ao. Bengilindele ongangihawukela, kodwa wayengekho ^ap, labaduduzayo, kodwa kangibatholanga ^aq. 21Basebengipha inyongo ibe yikudla kwami ^ar, lekomeni kwami ^as banginathisa iviniga. ^at 22Itafula labo eliphambi kwabo kalibe ngumjibila ^{au , av}, ibe yisifu sabonwabileyo. 23Amehlo abo kawafiphale ukuze bangaboni ^aw, njalo wenze inkalo zabo zihlale zithuthumele ^ax. 24Thela intukuthelo yakho phezu kwabo, lolaka lwakho oluvuthayo lubafice. 25Indawo yabo yokuhlala kayibe lunxiwa ^{ay , az}, kungabi khona ohlala emathenteni abo. 26Ngoba omtshayileyo wena ^ba bayamzingela ^bb, njalo baxoxa kube buhlungu kwabalinyazwe nguwe ^bc. 27Yengezelela ukona ekoneni kwabo, ukuze bangangeni ekulungeni kwakho ^bd. 28Kabesulwe ogwalweni lwabaphilayo ^be, bangabalwa kanye labalungileyo ^bf.

29Kodwa mina ngilusizi, ngiyafuthelwa; usindiso lwakho, Nkulunkulu, kalungimise phezulu ngivikelekile ^bg. 30Ngizadumisa ibizo likaNkulunkulu ngehubo, ngimkhulise ^bh ngokubonga ^bi. 31Kuzakuba kuhle-ke eNkosini okwedlula inkabi ^bj kumbe ijongosi elilempondo lenklagu ^bk. 32Abathobekileyo bazabona, bathokoze ^bl; lina elidinga uNkulunkulu inhliziyo yenu izaphila ^bm. 33Ngoba iNkosi iyabezwa abaswelayo, njalo kayideleli izibotshwa zayo ^bn.

34Kakuthi amazulu lomhlaba kuyidumise, izinlwandle lakho konke okunyakaza phakathi kwazo ^bo. 35Ngoba uNkulunkulu uzasindisa iZiyoni, ayakhe imizi yakoJuda ^bp; njalo bahlale khona badle ilifa layo ^bq. 36Lenzalo ^br yenceku zakhe izakudla ilifa layo ^bs, labathanda ibizo lakhe ^bt bazahlala kuyo ^bu.